Ko‘rsatilgan tez tibbiy yordamga qaramay piyoda shifoxonada vafot etdi

Shu yil 5 aprel kuni soat 04:00 larda, Davlatobod tumani "Porloq" mahallasi Uychi ko‘chasida "Neksiya-2" rusumli avtomashinani boshqarib ketayotgan haydovchi harakat xavfsizligini ta’minlay olmay, yo‘lni kesib o‘tayotgan piyodani urib yuborgan.

Natijada, piyoda og‘ir tan jarohati olib, shifoxonada ko‘rsatilgan tez tibbiy yordamga qaramay, vafot etgan.

Ushbu holat bo‘yicha Namangan shahar Davlatobod tumani IIB huzuridagi TB tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan.