Kuleba Hindistonga keldi va tashrifi davomida Nyu-Dehlini "Moskvadan uzoqlashtirishga" harakat qilmoqda

Ukraina Tashqi ishlar vaziri Hindistonga keldi va tashrifi davomida Nyu-Dehlini "Moskvadan uzoqlashtirishga" harakat qilmoqda — The Financial Times.

Kuleba Nyu-Dehlini Ukrainani qo‘llab-quvvatlashga va Rossiya Federasiyasi bilan aloqalarning "sovet merosini qayta ko‘rib chiqishga" chaqirdi.

Uning fikricha, hindistonliklar o‘zlari bilan hududiy mojaroga ega bo‘lgan Xitoy va Rossiyaning aloqalari tobora chuqurlashib borayotganidan xavotirda bo‘lishi kerak.

Vazir Nyu-Dehli Kiyev bilan savdo va texnologik aloqalarni kengaytirishdan ko‘p foyda olishini bildirdi va Hindiston kompaniyalarini Ukrainani urushdan keyingi qayta qurishda ishtirok etishga taklif qildi.

Eslatib o‘tamiz, Hindiston yaqinda G‘arb sanksiyalari xavfi tufayli, Rossiya neftini xarid qilishni qisqartirgan edi.