Slovakiya bosh vaziri Rossiya-Ukraina mojarosini tinch yo‘l bilan hal etish tarafdori
Slovakiya bosh vaziri Robert Fiso Rossiya va Ukraina o‘rtasida o‘t ochishni to‘xtatishni qo‘llab-quvvatlashini bildirdi.
Bu haqda u «Joj24» telekanaliga bergan intervyusida ma’lum qildi, deb xabar beradi «Report» .
«Men har doim (mojaro) tinch yo‘l bilan hal qilinishini va har qanday holatda ham o‘t ochishni to‘xtatishni afzal ko‘raman», — dedi u.
Robert Fiso, shuningdek, Ukrainaga qurol-yarog‘ yetkazib berish to‘g‘ri yo‘l emasligiga va bunga sarflangan mablag‘lar behuda ketayotganiga amin. Bundan tashqari, Bosh vazir Ukraina uchun mablag‘ yig‘ayotgan tashabbuskor guruhlarga shubha bilan qaradi. Shunday guruhlardan biri 2022 yilda 4 million yevro yig‘ishga muvaffaq bo‘ldi.
Avvalroq Slovakiya tashqi ishlar vaziri Yuray Blanar Rossiya-Ukraina mojarosini tezroq tugatish va tinchlikka chaqirgan edi.