Konor Makgregor faqat MMAni tark etgan. Endi u bokschi!

Irlandiyalik MMA bo‘yicha kurashchi Konor Makgregor sportdan ketganini rasman e’lon qilganiga qaramay, shug‘ullanishda davom etmoqda. Mashg‘ulot zalidan olingan suratini sobiq kurashchi o‘zining instagramdagi sahifasida e’lon qildi.

31 yoshli irlandiyalik e’lon qilgan suratda u boks sparingida mashg‘ulot o‘tkazmoqda. Navbatdagi fotosining ostiga Makgregor kubalik bilan mashg‘ulot olib borayotgani haqida izoh qoldirgan.

Uch yil oldin ham u sportdan ketganini aytgan, ammo yana qaytib kelgan edi. Bu safar uning sportni tashlaganiga ishonish mumkinmi?