JSST: "Endi bolalar ham koronavirusga qarshi emlanishi mumkin"

Jahon sog‘liqni saqlash tashkiloti (JSST) birinchi marta bolalar va o‘spirinlar koronavirusga qarshi emlanishi mumkinligini tan oldi. Yangilangan ko‘rsatmalar tashkilot veb-saytida joylashtirilgan.

Matnda ta’kidlanishicha, bolalar va o‘spirinlar COVID-19ga kattalarga qaraganda osonroq toqat qiladilar.

"Shuning uchun, agar ular koronavirus xavfi yuqori bo‘lgan guruhga kirmasa, ular keksa yoshdagilarga, surunkali kasalliklarga chalinganlarga va sog‘liqni saqlash xodimlariga qaraganda kamroq tezroq emlanishi kerak", dedi JSST.

Avvalroq, tashkilot bolalar uchun vaksinalardan foydalanish to‘g‘risida "ma’lumot yetarli emasligini" ta’kidlagandi.

May oyi boshida JSST koronavirus pandemiyasining bolalar sog‘lig‘iga ta’siri haqida gapirdi. Yevropaning mintaqaviy vakolatxonasi ma’lumotlariga ko‘ra, uzoq muddatli karantin cheklovlari bolalarda semirishning ko‘payishiga sabab bo‘lmoqda. JSST mutaxassislari olti yoshdan to‘qqiz yoshgacha bo‘lgan bolalarning deyarli uchdan bir qismi ortiqcha vaznga ega ekanligini aniqladilar, bu maktablarning yopilishi va faoliyat cheklovlari tufayli paydo bo‘ldi.