Gaz bo‘lmaydigan hududlarda aholi ko‘mir bilan uzluksiz ta’minlanadi
✅ Gaz bo‘lmaydigan hududlarda aholini ko‘mir bilan uzluksiz ta’minlash uchun quyidagilar amalga oshiriladi:
👉 qish mavsumida gaz bo‘lmaydigan hududlarga yetarli miqdorda ko‘mir yetkazib berish bo‘yicha tegishli hujjatlar tasdiqlanadi (Vazirlar Mahkamasi – viloyat hokimliklari – tuman hokimliklari);
👉 tuman hokimligi tomonidan tasdiqlangan aholini ko‘mir bilan ta’minlashga oid jadval mahalla fuqarolar yig‘iniga yetkaziladi;
👉 mahalla fuqarolar yig‘ini kelib tushgan arizalarga muvofiq ko‘mirni sotib olish bo‘yicha reestrni shakllantiradi va uni ko‘mir omborlariga yetkazib beradi;
👉 ko‘mir omborlari mahalla fuqarolar yig‘ini tomonidan taqdim etilgan reestrga va tasdiqlangan jadvalga asosan aholini ko‘mir mahsuloti bilan Moliya vazirligi tomonidan belgilanadigan narxlar asosida uzluksiz ta’minlash choralarini ko‘radi.