Evropa Ittifoqi: Italiya befoyda sarf-xarajatlarni qisqartirishi kerak
Evropaning iqtisodiy va moliyaviy masalalar bo‘yicha komissari Pyer Moskovisi Yevrokomissiya yig‘ilishida “Italiya behuda sarf-xarajatlarni qisqartirishi, investisiyalarni mamlakat iqtisodiyotini rivojlantirish va samaradorligini oshirish uchun sarflashi kerak”, degan fikrni bildirgan. Bu haqda "Euronews" xabar bermoqda.
“Mamlakatdagi qarzdorlik holatida behuda sarf-xarajatlarni amalga oshirish noto‘g‘ri, albatta. Agar mamlakat shu yo‘lda davom etsa, qarzdorlik yanada oshib boradi”, deb ta’kidlagan komissar.
Moskovisi o‘z nutqi davomida Italiya moliya vaziri bilan hamkorlikda ushbu holatni bartaraf etish maqsadida o‘zi “ijobiy iqlim” deb atagan harakatni boshlaganini aytib o‘tgan.
Manba: uza.uz
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
