Eron Buyuk Britaniya, Fransiya va AQShga hujum qilishga tayyorlanmoqda — manba

Eron Islom inqilobi gvardiyasi korpusining (EIGK) maxfiy kiber bo‘limi G‘arb mamlakatlaridagi nishonlarga qarshi kiberhujumlar o‘tkazishga tayyorlanmoqda. Bu haqda Sky News telekanali, ehtimol Eronda ishlab chiqilgan beshta ma’ruzadan iborat hujjatga asoslanib xabar berdi.

Telekanal ma’lumotlariga ko‘ra, hujjatlarda yuk tashiydigan kemani cho‘ktirish yoki yoqilg‘i quyish shoxobchasida yonilg‘i quyish nasosini portlatish uchun kiberhujumlardan foydalanish masalasi ko‘rib chiqilgan. Bundan tashqari, u dunyo bo‘ylab kemasozlik sanoati tomonidan ishlatiladigan sun’iy yo‘ldosh aloqasi qurilmalari va dunyodagi aqlli uylarda yoritish, isitish va shamollatishni boshqaradigan kompyuter tizimlari to‘g‘risidagi ma’lumotlarni o‘z ichiga oladi.

Telekanal hujjatlar G‘arb davlatlari, shu jumladan Buyuk Britaniya, Fransiya va AQShdagi ob’ektlarning zaifligiga "alohida qiziqish" ko‘rsatayotganini da’vo qilmoqda. Kanalning manbasiga ko‘ra, hujjatlarda Eronning kelajakda kiberhujumlar uyushtirish uchun zarur bo‘lgan fuqarolik infratuzilmasi bo‘yicha razvedka ma’lumotlarini to‘plash natijalari mavjud.