Bayden Ukrainaga yordam berish uchun 37 milliard dollar so‘radi

AQSh ma’muriyati kongressdan Ukrainaga qo‘shimcha yordam uchun 37 milliard dollardan ziyod mablag‘ so‘radi, deb ma’lum qildi Associated Press agentligi.

"Prezident Jo Bayden Ukrainaga favqulodda yordam ko‘rsatish uchun kongressdan 37 milliard dollardan ziyod mablag‘ ajratishni so‘rab murojaat qildi", – deyiladi xabarda.

Blumberg agentligining ma’lum qilishicha, bu yerda gap 37,7 milliard dollar haqida bormoqda. Ushbu so‘rovni kongressning hozirgi tarkibi tasdiqlashi kutilmoqda. Hozir ikkala palatada ham Baydenning partiyadoshlari bo‘lgan demokratlar ustunlik qilmoqda.