APLda hakamlar xato uchun jarimaga tortilishi mumkin
Angliya Premyer-ligasida hakamlar o‘yin davomidagi xatolari uchun moliyaviy jarimaga tortilishi mumkin, deya xabar bermoqda Daily Mail.
Manbaning yozishicha, o‘yin natijasiga ta’sir qiluvchi o‘ta qo‘pol xato uchun bosh hakamlar 58 ming funt sterlinggacha jarimaga tortilishi mumkin. Tashkilot hakamlar korpusi ushbu masalani ko‘rib chiqmoqda.
Qayd etilishicha, APL bosh hakamlari 126 mingdan 138 ming yevrogacha maosh olishadi. O‘yinlarda yuqori bahoga munosib ishlagan hakamlar bonuslar orqali 198 ming yevrogacha maosh olishlari mumkin. APL qoniqarsiz hakamlik va qo‘pol xatolar uchun hakamlarni jarimaga tortish masalasini ham ko‘rib chiqmoqda. Bu borada qaror qabul qilingan taqdirda ham tizim yangi mavsumdan amalda bo‘ladi.