Россиянинг халқаро захиралари рекорд даражага етди

Россиянинг халқаро захиралари 31 июлдан 7 августгача 1,5 фоизга ошган ҳолда 600,7 миллиард долларни ташкил этиб, энг юқори даражага кўтарилди, дея хабар бермоқда “Mk.ru”.

7 август ҳолатига кўра, бир ҳафта давомида уларнинг ҳажми 8,9 миллиард долларга ёки 1,5 фоизга ошган. Бу ижобий курсларни қайта баҳолаш ва олтин нархларининг ошиши таъсири остида юз берган.

Россия Федерацияси Марказий банкининг материалларида таъкидланишича, охирги марта 2008 йилнинг 8 августида рекорд натижа қайд этилган. Ўша пайтда мамлакатнинг халқаро захиралари 598,1 миллиард долларни ташкил этган.