Франция Ички ишлар вазирлиги мамлакат парламентига сайловлар биринчи турининг дастлабки натижаларини эълон қилди

Франция Ички ишлар вазирлиги мамлакат парламентига сайловлар биринчи турининг дастлабки натижаларини эълон қилди.

Унга кўра, ўнг қанот “Миллий бирлик” партияси 32,2 фоиз овоз билан етакчи, сўл қанот “Янги халқ фронти” 29,1 фоиз билан иккинчи, Макроннинг марказчи кучлар коалицияси эса 21,5 фоиз овоз билан учинчи ўринни эгаллаган.

Франция Миллий телевидениясининг дастлабки натижаларга асосланиб қайд этишича, Марин Ле Пеннинг “Миллий бирлик” партияси парламентда 240 тадан 270 тагача ўринга эга бўлиши мумкин. Макрон коалицияси Миллий ассамблеяда 60 тадан 90 тагача ўринга эга чиқиши мумкин. Франция Миллий ассамблеясидаги депутатлик мандатларининг умумий сони 577 тани ташкил этади.

Франция қонунчилигига мувофиқ энг яхши натижа кўрсатган икки партия сайловнинг иккинчи турига йўл олади. Шунингдек, биринчи турда 12,5 фоиздан кўпроқ овоз олган партиялар ҳам сайловнинг иккинчи турида иштирок этишлари мумкин.