Макгрегор Роналдунинг кўз ёшларига муносабат билдирди

Ирландиялик UFC жангчиси Конор Макгрегор Евро-2024 1/8 финалида Португалия терма жамоаси футболчиси Криштиану Роналдунинг кўз ёшларига муносабат билдирди.

Кеча, 1 июль куни Роналду Словения терма жамоаси дарвозасига белгиланган пенальтидан фойдалана олмай, кўз ёшларини тия олмади. Қувонарлиси, Португалия терма жамоаси барибир пенальтилар сериясида ғалаба қозонди.

"Ватанга чин садоқат! Криштиану, сен бу Ер юзини иноят қилган энг буюк футболчисан! Аллоҳ рози бўлсин ука. Бу ҳақиқий тарих", — деб ёзди МакГрегор ижтимоий тармоқларда.

Евро-2024 чорак финалида Португалия 5 июль, жума куни Францияга қарши майдонга тушади.