Хитой Ташқи ишлар вазирлиги Столтенбергни танқид қилди

Хитой Ташқи ишлар вазирлиги матбуот котиби Мао Нин НАТО бош котиби Йенс Столтенбергнинг Хитой иттифоқ хавфсизлиги ва қадриятларига қарши чиқаётгани ҳақидаги сўнгги баёнотига изоҳ берди. Хитойлик дипломатнинг фикрича, айнан НАТО Хитойнинг ички ишларига аралашмоқда.

“У НАТО қадриятлари деганда айнан нимани назарда тутганини билмайман. Аммо агар қадриятлар мафкурага асосланган чизиқ чизиш ва низоларни келтириб чиқариш, қарама-қаршиликни қўзғатиш ва бу йўналишда кескинликни ошириш бўлса, Хитой ҳақиқатан ҳам бунга рози бўлолмайди ", деди дипломат.

Хитой Ташқи ишлар вазирлиги вакилининг фикрича, НАТО давлатлари Хитойнинг ташқи ва ички сиёсатини бузиб, миллий хавфсизлигига таҳдид солмоқда.