Тошкентда ёши катта эркак ёш болани ураётгани акс этган видео бўйича маълумот берилди
Тошкентда ёши катта эркак боланинг юз қисмига ураётган ҳолати акс этган видео ижтимоий тармоқларда тарқалганди. Болалар омбудсмани мазкур ҳолат бўйича маълумот берди.
Аниқланишича, 30 июнь куни Мирзо Улуғбек туманида яшовчи нафақадаги М.А. 2020 йилда туғилган набираси А.А. (ўғил бола) билан сайр қилиш учун кўчага чиққан вақтида набираси югуриб узоққа кетиб қолган. Бобоси эса набирасидан хавотир олиб, болани қидирган.
Сўнг уйидан олисроқ бўлган мактаб олдида топиб, жаҳл устида набирасини бир неча бор қаттиқ урган.
Ҳозирда терговга қадар текширув доирасида болага етказилган жароҳатнинг даражасини аниқлаш юзасидан суд-тиббий экспертиза тайинланган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
