Қирғизистон БМТ Хавфсизлик кенгашини ислоҳ қилиш тарафдори
Қирғизистон БМТ Хавфсизлик кенгашини ислоҳ қилиш тарафдори. Бу ҳақда Қирғизистон ташқи ишлар вазири Жээнбек Кулубоев маълум қилди, дея хабар беради КНИА «Кабар».
Унинг сўзларига кўра, БМТ Хавфсизлик кенгашини ислоҳ қилиш БМТ Бош Ассамблеясининг асосий мавзуларидан биридир. «Ҳар йили бу масала барча даражаларда муҳокама қилинади, бироқ БМТ Хавфсизлик кенгашини ислоҳ қилиш жуда қийин масала. Кўпгина мамлакатлар ўз қарашларига эга. Япония, Германия, Ҳиндистон каби йирик давлатлар БМТ Хавфсизлик Кенгашининг доимий аъзоси мақомини олишга интилмоқда. Уларнинг ўз қарашлари бор. Бирлашган Миллатлар Ташкилоти Хавфсизлик Кенгашининг доимий аъзоси бўлган фақат бешта давлат бор ва фақат уларнинг розилиги билан ислоҳотлар ўтказилиши мумкин. Бу масала 20 йилдан ортиқ муҳокама қилинмоқда», - деди Қулубоев.
Унинг таъкидлашича, агар БМТ Хавфсизлик Кенгашига нодоимий аъзо бўлса, Қирғизистон ҳам БМТ ислоҳотларига ҳисса қўшиши мумкин. Дипломат бу борада катта ишлар қилинишига ишора қилди.
