Ўзбекистон ва Россия Мудофаа вазирликлари иқтисодий масалаларни муҳокама қилишди

Ўзбекистон ва Россия Мудофаа вазирликлари иқтисодий масалаларни муҳокама қилишди. Бу ҳақда "Спутник Ўзбекистон" нашри хабар берди. Вазирликларнинг молиявий-иқтисодий блоки вакиллари армияни таъминлаш учун бюджетни шакллантириш ва ижро этиш, шунингдек, ҳарбийлар учун пенсия масалаларини кўриб чиқди, деб хабар беради Россия Мудофаа вазирлиги.

Томонлар, шунингдек, ҳарбий харажатларни режалаштириш ва таъминлаш масалаларида ҳамкорликни янада чуқурлаштириш ва тажриба алмашиш ҳақида сўз юритдилар.