2024 йилда ипотека кредитлари бўйича субсидия олиш учун 20 мингта фуқароларга ижобий хабарнома тақдим этилган
![2024 йилда ипотека кредитлари бўйича субсидия олиш учун 20 мингта фуқароларга ижобий хабарнома тақдим этилган 2024 йилда ипотека кредитлари бўйича субсидия олиш учун 20 мингта фуқароларга ижобий хабарнома тақдим этилган](/photos/news/bkwhp6cBhFb8gcq.jpeg)
Бу ҳақда АОКАда ўтказилган брифингда Иқтисодиёт ва молия вазирлиги бошқарма бошлиғи ўринбосари Шоҳрухбек Ғаниев маълум қилди.
Жорий йилнинг ўтган даврида 2020-2024 йилларда ипотека кредитлари бўйича 55 007 нафар фуқарога тақдим этилган субсидия хабарномаларига асосан фоиз тўловлари учун 418,8 млрд сўмлик субсидия тўлаб берилди.
Ипотека кредитлари бўйича Республика бюджетидан 8 трлн 250 млрд сўм ресурслар ажратилиши белгиланган.
Ҳозирда, тижорат банклари томонидан келиб тушган талабномаларнинг барчаси қоплаб берилиши натижасида 3 трлн. сўм (режанинг 36,5 фоизи) маблағлар ажратилди.
Давлат раҳбари бошчилигида 2024 йил 12 март куни уй-жойлар қурилиши соҳасида ўтказилган йиғилишда жорий йилда тижорат банкларининг ўз маблағлари ҳисобидан 6 трлн сўмлик ипотека кредитларини ажратиш белгилаб берилган эди.