"Yuventus" "Jenoa" bilan Shomurodov transferini muhokama qildi

"Yuventus" "Jenoa" hujumchisi Eldor Shomurodovni transfer qilish imkoniyatini o‘rganmoqda.

Turinliklarning sport direktori Fabio Paratichi klubga yana bir hujumchi sotib olmoqchi. Shu bilan birga, u o‘ziga xos xususiyatlari bilan Krishtianu Ronaldu, Paulo Dibala va Alvaro Moratadan farq qilishi kerak.

Calciomercato xabariga ko‘ra, "Yuventus" "Jenoa"ga taklif jo‘natgan hamda klublar allaqachon kelishuv tafsilotlarini muhokama qilishgan.

Transfermarkt Shomurodovning transfer narxini 6,5 million yevroga baholamoqda.