Xitoy armiyasining jangchilari va kemalari Tayvan atrofida paydo bo‘ldi

Tayvan o‘tgan kun davomida orolga tutash hududda Xitoy Xalq Ozodlik Armiyasining 9 ta kemasi va 34 ta samolyotini qayd etdi.

Bu haqda chorshanba kuni Tayvan mudofaa vazirligi saytida chop etilgan xabarda aytiladi.

Vazirlik ma’lumotlariga ko‘ra, havo hujumidan mudofaa identifikasiya zonasiga PLA jangovar mashinalari va uchuvchisiz uchish apparatlari janubi-g‘arbiy tomondan kirib kelgan.

Xususan, bular Y-8 suv osti kemalariga qarshi samolyotlar, BZK-005 va BZK-007 uchuvchisiz uchish apparatlari, J-16, J-11 va J-10 ko‘p maqsadli qiruvchi samolyotlar, shuningdek, SU-30 edi.

Tayvan armiyasi bunga javoban havo patrullarini kuchaytirdi, radio ogohlantirishlarni tarqatdi va zenit-raketa tizimlarini joylashtirdi.

E’tiborlisi, Xitoy armiyasining harbiy faolligi Chexiya Respublikasining yangi saylangan prezidenti Pyotr Pavl va Tayvan rahbari Say In-Ven o‘rtasidagi telefon suhbatidan so‘ng qayd etilgan.

Pekin bu uchrashuvga norozilik bildirib, uni "Xitoyning ichki ishlariga aralashish", "Yagona Xitoy tamoyilini buzish" va "Tayvan mustaqilligini himoya qilayotgan separatistik kuchlarga noto‘g‘ri signal" deb atadi.