«O‘rikzor» bozori yaqinida «Zaporojes» yonib ketdi

Toshkent shahar, Uchtepa tumani, Sakkokiy ko‘chasida Cobalt bilan to‘qnashgan «Zaporojes» yonib ketdi.

YHXBB ma’lumotlariga ko‘ra, voqea 11 aprel kuni soat 17:35 larda sodir bo‘lgan. 2000 yilda tug‘ilgan haydovchi A.P. boshqaruvidagi «ZAZ-968M» («Zaporojes») va 1977 yilda tug‘ilgan haydovchi Z.M. boshqaruvidagi Cobalt avtomobillari to‘qnashgan. Zarb oqibatida «Zaporojes»ning dvigatel qismida yong‘in yuzaga kelgan.

Yong‘in bartaraf etilgan. To‘qnashuv va yong‘in natijasida tan jarohati olgan fuqarolar yo‘q. Transport vositalariga zarar yetgan.

Mazkur hodisa yuzasidan Uchtepa tumani IIO FMB YHXB tomonidan surishtiruv harakatlari olib borilmoqda.