Toshkentdagi ochiq maydonlarning birida yong‘in sodir bo‘ldi

Toshkent shahar FVB matbuot xizmati Yangihayot tumanida sodir bo‘lgan yong‘in to‘g‘risida ma’lumot berdi.

Ma’lum qilinishicha, 23 iyun kuni soat 19:47da Toshkent shahar, Yangihayot tumani, Yangi Choshtepa MFY, O‘zar ko‘chasida ochiq maydonda quruq o‘t va shox shabba yonayotganligi to‘g‘risida Toshkent shahar FVBga xabar tushgan.

Shunga ko‘ra, 2 ta yong‘in-qutqaruv ekipaji soat 19:59 da voqea joyiga yetib borib, yong‘in soat 20:24 da o‘chirilgan.

Sodir bo‘lgan yong‘in natijasida ochiq maydonda quruq o‘t va shox shabba yonib zararlangan. Yong‘in sababi aniqlanmoqda.

Hodisa oqibatida tan jarohati olgan va halok bo‘lganlar to‘g‘risida ma’lumot kelib tushmagan.