Texasda “svet” o‘chgani sababli amaldorlar ishidan ketdi
AQSh Texas shtati bo‘ylab 26 milliondan ortiq odamni elektr energiyasi bilan ta’minlash uchun mas’ul bo‘lgan shtat elektr tarmog‘i kompaniyasining rasmiylari g‘ayrioddiy qish millionlab odamlar elektr va suvdan uzib qo‘yishi va o‘nlab odamlarning o‘limiga sabab bo‘lganidan keyin ishdan ketmoqda.
Texas elektr ishonchliligi kengashining (ERCOT) to‘rtta kengash a’zolari bugun Texas qonun chiqaruvchilari elektr uzilishlari to‘g‘risida ishni boshlashdan bir kun oldin o‘z lavozimidan ketgan.
Iste’fo bergan kengash a’zolari, shu jumladan rais, Texasdan tashqarida yashagan - bu elektr operatorini yanada ko‘proq tanqid qilishga sabab bo‘lgan.
O‘tgan hafta Texasda tarixiy qor yog‘ishi va sovuq harorat millionlab odamlarni bir necha kun davomida elektr va suvsiz qoldirgan.
Bo‘ron kamida 80 kishining o‘limiga sabab bo‘lgan.
Texas shtati gubernatori Greg Ebbot elektr ta’minotidagi uzilishlarda ERCOT kompaniyasini ayblagan, ammo muammolar operatordan boshqalarda ham bo‘lgan: haddan tashqari sovuq ob-havo tufayli elektr stansiyalari va tabiiy gaz ishlab chiqaruvchilarning ishi ham to‘xtab qolgan.
"Texas shtati ERCOT ishini tekshirishni davom ettiradi va nima sodir bo‘lganligi to‘g‘risida to‘liq holatni ochib beradi va biz o‘tgan haftada sodir bo‘lgan halokatli voqealar yana takrorlanmasligiga ishonch hosil qilamiz", deyiladi ijtimoiy tarmoqlarda e’lon qilingan bayonotda.
Garchi Texas bo‘ylab harorat isib ketgan va shtatdagi aksariyat uchun elektr energiyasi tiklangan bo‘lsa-da, seshanba kuni 15000 dan ziyod uy elektrsiz qoldi, deya xabar bergan Amerika Qo‘shma Shtatlari bo‘ylab uzilishlarni kuzatib boruvchi PowerOutage agentligi.
Qattiq muzlash natijasida ko‘plab uylar toza suvdan uzilib, hukumat amaldorlari shtat bo‘ylab shisha suv uchun tarqatish punktlarini tashkil etishga majbur bo‘ldi.
Yakshanba kuni CBS telekanaliga bergan intervyusida Xyuston meri Silvestr Tyorner ofat "bashorat qilinadigan va oldini olish mumkin" bo‘lganligini aytgan.
Tyorner, shuningdek, aholiga elektr energiyasining har qanday ortiqcha hisob-kitob qilinishi uchun davlat javobgar bo‘lishi kerakligini aytgan.
