Samarqandda "Zil" avtomashinasi ag‘darilib ketdi
Samarqand viloyati IIB Axborot xizmati Ijtimoiy tarmoqlarda tarqalgan "Samarqand - Payariq avtomobil yo‘lining Chelak shahri hududidagi yaqin joyda "Zil" avtomashinasi ag‘darilib ketdi” nomli videolavha yuzasidan ma’lumot berdi.
2021 yil 28 aprel kuni soat 07:45 larda Payariq tumani Tamoyrot MFY hududidan o‘tuvchi avtomobil yo‘lining “Samarqand-Chelak” yo‘nalishidan harakatlanayotgan haydovchi S.E. boshqaruvidagi “ZIL-MMZ-45021” rusumli avtomashina rul boshqaruvini yo‘qotishi natijasida ag‘darilgan.
Avtomashina ag‘darilishi natijasida tan jarohati olganlar yo‘q.
Haydovchi S.Eshmatov tibbiy ko‘rikdan o‘tkazilgan va “hushyor” holatdaligi aniqlangan.
Mazkur holat Payariq tumani IIB YHXB xodimlari tomonidan rasmiylashtirilib, surishtiruv ishlari olib borilmoqda.
