Rossiya zarbalarining 97 foizi fuqarolik ob’ektlariga to‘g‘ri keladi — Ukraina Mudofaa vaziri

"Rossiyaning Ukraina hududidagi nishonlarga bergan zarbalarining katta qismi, Rossiya rasmiylari da’vo qilganidek, harbiy infratuzilmaga emas, balki fuqarolik infratuzilmasiga qaratilgan. Yil boshidan beri Rossiya armiyasi tomonidan berilgan umumiy zarba kuchi 9 kilotonnadan oshdi", — deya ta’kidladi mamlakat Mudofaa vazirligi rahbari Rustem Umerov NATO-Ukraina kengashining navbatdan tashqari yig‘ilishida.

Umerov, shuningdek, BMT Inson huquqlari bo‘yicha Oliy komissari boshqarmasi ma’lumotlaridan iqtibos keltirdi, unga ko‘ra, so‘nggi uch oyda Ukrainadagi urushda halok bo‘lgan 1804 tinch aholidan 712 nafari raketa hujumlari qurboni bo‘lgan.