Qo‘ng‘irot tumanida fermer xo‘jaliklariga tegishli dizel yonilg‘isi talon-toroj qilindi

Bosh prokuratura huzuridagi Departamentning Qo‘ng‘irot tuman bo‘limi tomonidan o‘tkazilgan tergovga qadar tekshiruvda, “Taxiatosh neft bazasi” MCHJning 61-sonli FYOTSh operatori Ye.SH. o‘ziga ishonib topshirilgan 59 mln so‘mlik 8,8 tonna EKO dizel yoqilg‘isini talon-toroj qilganligi aniqlangan. Bu haqda Bosh prokuratura matbuot xizmati rahbari Hayot Shamsutdinov "Aniq.uz"ga xabar berdi.

Mazkur holat yuzasidan Ye.SH.ga nisbatan Jinoyat kodeksining 167-moddasi 1-qismi bilan jinoyat ishi qo‘zg‘atilib, tergov harakatlari o‘tkazilmoqda.