Putin milliarder Fattoh Shodiyevni orden bilan taqdirladi
Rossiya prezidenti Vladimir Putinning buyrug‘iga binoan Jizzax viloyatida tug‘ilgan, hozirda Qozog‘iston fuqarosi milliarder Fattoh Shodiyev “Do‘stlik” ordeni bilan taqdirlandi. Bu haqda Shodiyevning o‘zi a’zosi bo‘lgan MGIMO Vasiylik kengashi matbuot xizmati xabar berdi.
Orden madaniyat va san’at sohasidagi qilgan xizmatlari, ko‘p yillik samarali faoliyati uchun berildi.
“Fattoh Qayumovichni ushbu yuksak mukofot bilan chin yurakdan tabriklaymiz! Biznesda omad va yangi zafarlar tilaymiz”, - deyiladi xabarda.
Fattoh Shodiyev ERG (Eurasia Group) hamda IMR (International Mineral Resources) shirkatlari hammuassisi, Xalqaro Shodiyev jamg‘armasi asoschisi, MGIMO Vasiylik kengashi a’zosi hisoblanadi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
