Netanyaxu Isroilga hujum oqibatlari haqida ogohlantirdi

Isroil Bosh vaziri Benyamin Netanyaxu mamlakati Eron va uning «sheriklariga» qarshi turishga tayyorligini aytdi.

Yahudiy davlati vazirlar mahkamasi rahbarining bayonoti uning idorasi tomonidan tarqatildi.

Uning ta’kidlashicha, Isroilga hujum qilgan har bir kishi «juda yuqori narx» to‘laydi.

«Eron va uning sheriklari Isroilning bo‘yniga dahshat ilmog‘ini mahkam bog‘lashga harakat qilmoqda. Biz ularga uzoq va yaqin barcha jabhalarda qarshi turishga qaror qildik. Bizga hujum qilgan har bir kishi juda katta tovon to‘laydi», — deyiladi hujjatda.