Nerv hujayralarini tiklash usuli ishlab chiqildi

Ogayo shtati universiteti (AQSh) nevrologlari nerv tolalarini tiklay oladigan odam leykositlarining yangi turini topishdi.

Nature Immunology jurnalida chop etilgan ushbu tadqiqot natijalari falajlikni davolashning yangi usullarini ishlab chiqishda yordam berishi mumkin.

Oddiy sharoitlarda shikastlangan nerv hujayralari tiklanmaydi, bu esa qaytarilmas nevrologik shikastlanishga olib keladi. Biroq, olimlar suyak iligi hujayralarini o‘ziga xos molekulalar bilan rag‘batlantirishga muvaffaq bo‘lishdi va ularni shikastlangan nerv hujayralarining omon qolishiga va tiklanishiga yordam beradigan regenerativ hujayralarga aylantirishdi.

Olimlar jamoasi sakkiz xil inson donorlaridan suyak iligi hujayralarini ajratib oldi. Barcha namunalar asab hujayralarining yangilanishini muvaffaqiyatli qo‘llab-quvvatladi, ularning stress ostida omon qolishini uch baravar oshirdi, bu degenerativ kasalliklarning rivojlanishini sekinlashtirish yoki oldini olish, shuningdek, shikastlanish oqibatlarini davolash uchun potensialni ko‘rsatadi.

Tadqiqotchilar, shuningdek, xavfsiz va samarali davolash usullarini yaratish uchun bemorlarning o‘z hujayralaridan foydalanish mumkinligini ta’kidlashdi. Hujayralarni o‘stirish va ularni yetkazib berishning eng samarali usullarini topish bo‘yicha laboratoriya tajribalaridan so‘ng olimlar klinik sinovlarni boshlashni rejalashtirmoqda, deb xabar beradi lenta.ru.