Levandovskining sobiq agenti: "U Benzemadan yaxshiroq ekanligini ko‘rsatish uchun "Barselona"ga o‘tmoqchi"

"Bavariya" hujumchisi Robert Levandovskining sobiq agenti Sezar Kucharski polshalikning "Barselona"ga o‘tishi mumkin bo‘lgan sabablari haqida gapirdi.

"U Karim Benzemadan yaxshiroq ekanini isbotlamoqchi, bu "Barselona"ga o‘tishning asosiy sababi. Levandovskining orzulari yo‘q. Uning uchun futbol o‘ynash bu shunchaki hayot tarzi. “Real” va “Barselona” bir xil darajada.

"Barselona" va Levandovski bu transfer uchun kurashadi. O‘ylaymanki, u yakunda "Barselona" bilan shartnoma imzolaydi", — deydi sobiq futbol agenti.