Gvardiola Angliyadagi eng zo‘r futbolchi kimligini aytdi

“Manchester Siti” bosh murabbiyi joriy mavsumda Angliya Premyer-ligasida eng zo‘r o‘yin ko‘rsatayotgan futbolchi kimligini aytdi.

- Men Angliya Premyer-ligasining eng zo‘r o‘yinchisi, deb Fil Fodenni e’tirof etaman. Maydonning raqib tomonidagi qismida bu futbolchining ta’siri juda kuchli. U to‘g‘ri qaror qabul qila oladi va gol urishni ham yaxshi uddalamoqda.

Qolaversa, Foden chempionatda g‘olib chiqishni boshqalardan ko‘proq istamoqda va mana shu intilish ko‘p narsadan dalolat beradi, - dedi Xosep Gvardiola.

Fil Foden mavsumda yuqori samaradorlik ko‘rsatmoqda. Hujumkor futbolchi barcha turnirlarda 48 marotaba maydonga tushib, 24 ta gol va 10 ta assist qayd etdi.