Janubiy Afrikada ko‘p qavatli binoning qulashi oqibatida sakkiz kishi halok bo‘ldi
Janubiy Afrikaning Jorj shahrida qurilayotgan ko‘p qavatli binoning qulashi oqibatida halok bo‘lgan ishchilar soni 8 nafarga yetdi.
Jorj shahri ma’muriyati vayronalar ostida 75 ishchi qolib ketganini, ulardan 37 nafari qutqarib olinganini ma’lum qildi.
Qayd etilishicha, 22 yaradordan 6 nafarining ahvoli og‘ir.
G‘arbiy Keyp provinsiyasi ma’muriyati vayronalar ostida qolgan ishchilar bilan bog‘lana olmaganini ma’lum qildi.
Jorj shahrida qurilayotgan ko‘p qavatli bino 6 may kuni qulab tushdi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)