DTM kirish imtihonlarida test tuziladigan darsliklar ro‘yxatini e’lon qildi

2021-2022 o‘quv yilida umumta’lim maktablari va akademik liseylarda qo‘llanilayotgan darslik va o‘quv-metodik qo‘llanmalar asosida tavsiya etilgan o‘quv adabiyotlar ro‘yxati Davlat test markazining rasmiy veb-saytida e’lon qilindi.

“Umumta’lim fanlari bo‘yicha adabiyotlar ro‘yxati Xalq ta’limi vazirligi, Oliy va o‘rta maxsus ta’lim vazirligi hamda Qoraqalpog‘iston Respublikasi Xalq ta’limi vazirligi tomonidan tavsiya etilgan o‘quv adabiyotlar ro‘yxati asosida shakllantirilgan”, deb xabar berdi Davlat test markazi.