AQSh va ittifoqchilar Ukrainaga NATOga qo‘shilish kafolatini berish yoki bermaslik masalasini muhokama qilmoqda
Qo‘shma Shtatlar Britaniya va boshqa asosiy ittifoqchilar bilan birgalikda alyansning Vashingtonda bo‘lib o‘tadigan sammitida Ukrainaga NATOga a’zolik kafolatini berish yoki bermaslik masalasini muhokama qilmoqda.
Bu haqda CNN manbalarga tayanib xabar bermoqda.
«Rossiya chegaralariga yaqin» qator davlatlar Amerika ma’muriyatini bu masalada qat’iyatsizligi uchun tanqid qilmoqda, deb ta’kidlaydi telekanal. NATO o‘zining yakuniy bayonotini qanday qabul qilishi Ukraina uchun muhim bo‘ladi.
Shunday qilib, prezident Jo Bayden ma’muriyati xodimlaridan biri, ittifoq mamlakatlari Ukrainaning NATOga qo‘shilish jarayoni «qaytib bo‘lmaydigan» formulani qo‘llab-quvvatlamasligi mumkin, deb hisoblaydi. Telekanalning qayd etishicha, bunday formulalarning muxoliflaridan biri Vengriya hisoblanadi.
Boshqa bir amerikalik rasmiyning ta’kidlashicha, NATOning bir qator davlatlari ham «qaytarib bo‘lmaydigan» so‘zini ishlatishga rozi emas, chunki Ukraina hali barcha kerakli «demokratik va korrupsiyaga qarshi islohotlarni» amalga oshirmagan.
