AQSh Belarus xalqini tanladi, Lukashenkoni emas
Amerika Qo‘shma Shtatlari Belarusdagi saylovlar adolatli bo‘lmagan deb hisoblaydi, Vashington va Varshava Belarus xalqini qo‘llab-quvvatlamoqda. Bu haqda shanba kuni AQSh davlat kotibi Mayk Pompeo ma’lum qildi.
"Saylovlar erkin va adolatli bo‘lmadi... Bugun biz umumiy maqsadni — Belarus xalqining suvereniteti va erkinlikka erishish istagini qo‘llab-quvvatlashni muhokama qildik. Xalq tanlash huquqini himoya qilishga intilmoqda", — dedi Pompeo Polsha tashqi ishlar vaziri Yasek Chaputovich bilan qo‘shma matbuot anjumanida.
Belarus Ichki ishlar vazirligining ma’lumotlariga ko‘ra, 9 dan 13 avgustgacha bo‘lgan tartibsizliklar natijasida 121 polisiya xodimi tan jarohati olgan va tergov organlari 90 dan ortiq jinoiy ish qo‘zg‘atgan. Namoyishning 6,7 mingdan ortiq ishtirokchilari hibsga olingan.
