Anchelotti dunyoning eng yaxshi klubi nomini aytdi

“Real Madrid” bosh murabbiyi Karlo Anchelotti qaysi klubni dunyoning eng zo‘ri deb bilishini aytdi.

Men “Milan” kabi buyuk klublarni boshqarish baxtiga muyassar bo‘ldim. U yerda futbolchi ham bo‘lganman. Ammo “Real Madrid” dunyoning eng yaxshi klubi, bunga hech qanday shubha yo‘q. Bu klubda shuncha ko‘p o‘yinda murabbiy bo‘lib boshqara olish — shunchaki mo‘jiza, deya Anchelotti so‘zlarini keltiradi Sport Mediaset.

Anchelotti bungacha “Parma”, “Yuventus”, “Milan”, “PSJ”, “Chelsi”, “Bavariya”, “Napoli” va “Everton” kabi klublarni boshqargan. Anchelottining “Real” bilan shartnomasi 2026 yilgacha mo‘ljallangan.