Kreml Zelenskiyning g‘alaba rejasi haqida gapirdi

Kreml OAVda Ukraina prezidenti Vladimir Zelenskiyning AQShga g‘alaba rejasini taqdim etish rejalari haqidagi xabarlarga izoh bermayapti.

Rossiya prezidenti matbuot kotibi Dmitriy Peskov jurnalistlarga «Agar rasmiy manbalardan biron bir ma’lumot paydo bo‘lsa, biz, albatta, uni diqqat bilan o‘rganamiz», dedi.

Uning tushuntirishicha, Kreml Zelenskiyning rejasini OAV xabarlari asosida tahlil qilish mumkin emas deb hisoblaydi.

«Hozircha turli xil ma’lumotlar, jumladan, qarama-qarshi va ishonchsiz ma’lumotlar mavjud. Biz bunga o‘ta vazminlik bilan qaraymiz», — deya qo‘shimcha qildi Peskov.