Xitoy Isroilni qoraladi

Xitoy Tashqi ishlar vazirligi Isroilni Livanda "Hizbulloh"ga qarshi operasiyasi uchun qoraladi. Pekin bu harakatlarni Livan suverenitetini qo‘pol ravishda buzish deb ataydi.

Xitoy Tashqi ishlar vaziri Van I Nyu-Yorkda livanlik hamkasbi bilan uchrashib, xalqaro hamjamiyat ham, Yaqin Sharq mintaqasi davlatlari ham mavjud vaziyat bilan bog‘liq holda yanada qat’iyroq harakat qilishlari kerakligini ta’kidladi.

Van I Livandagi amaliyot G‘azo sektoridagi amaliyotning davomi ekanini aytib, o‘t ochishni to‘xtatish va Falastin davlatini yaratishga chaqirdi.

Avvalroq Xitoy o‘z fuqarolarini Isroil va Livanni tark etishga chaqirgan edi.