Бурни синган Мбаппе шифохонадан чиқарилди

Франция терма жамоасининг юлдуз ҳужумчиси Килиан Мбаппе шифохонада кўрикдан ўтиб, терма жамоага қайтди.

Австрияга қарши ўйинда 25 ёшли ҳужумчининг бурни синган. Журналист Фабрицио Романонинг ижтимоий тармоқлари орқали хабар беришича, Мбаппе операциясиз даволанади. Футболчи учун махсус ҳимоя ниқоби тайёрланади.

Аввалроқ, ҳужумчи Евро гуруҳ босқичининг қолган ўйинларини ўтказиб юбориши ҳақида маълумотлар пайдо бўлганди.

Гуруҳ босқичининг иккинчи турида Франция Нидерландияга қарши майдонга тушади, кейин эса Польша билан учрашади.