«Улар ажойиб ишларни қилишади»: Трамп Россия ва Хитой билан келажакдаги муносабатлар ҳақида гапирди

Оқ уйда «ақлли президент» бўлса, Россия, Хитой ва Шимолий Корея каби давлатлар Вашингтоннинг душмани бўлишдан тўхтайди, деди АҚШнинг собиқ президенти Доналд Трамп.

«Хитой, Россия, Шимолий Корея - бир томондан улар биз учун душман. Бошқа томондан, агар бизда ақлли президент бўлса, улар душман бўлмайди. Бу мамлакатлар ажойиб ишларни амалга оширади», деди у Чесапик шаҳрида (Виржиния штати) сайловолди ташвиқоти пайтида.

Трамп бу давлатлар АҚШнинг амалдаги президенти Жо Байденни ҳурмат қилмаслигини яна бир бор айтди. Унинг фикрича, бу давлатлар раҳбарлари жаҳон саҳнасида Байдендан анча самаралироқ.