Конго Республикаси БРИКСга қўшилмоқчи
![Конго Республикаси БРИКСга қўшилмоқчи Конго Республикаси БРИКСга қўшилмоқчи](/photos/news/8HD0hEKVcxpl4hr.jpeg)
Конго Республикаси БРИCСга киришдан манфаатдор. Бу ҳақда мамлакат президенти Денис Сасу Нгуессо маълум қилди.
Африка давлати раҳбари мамлакат ҳеч бўлмаганда ассоциация билан алоқаларни ривожлантиришдан манфаатдор эканини таъкидлади.
“Бундай истиқбол бор, у очиқ. Ассоциацияга бир қатор давлатлар аъзо бўлди. БРИКС+ формати ҳақида ҳам эшитдим. Хўш, агар бу имкониятларнинг барчаси мавжуд бўлса, нима учун эмас. Конго манфаатдор бўларди", - деди Сассоу Нгуессо.
Аввалроқ, Малайзия ташқи ишлар вазири Муҳаммад Ҳассан мамлакат 2025-йилда Жануби-Шарқий Осиё давлатлари уюшмаси (АSEAN) раиси бўлгач, БРИКСга аъзо бўлиш учун ариза беришини маълум қилганди. Куала-Лумпур Бразилия президентлиги даврида аъзолик бўйича музокаралар олиб боради.