Озиқ-овқатни совиткичда сақлаймиз, дорини-чи, уни қаерда сақлаш лозим?
![Озиқ-овқатни совиткичда сақлаймиз, дорини-чи, уни қаерда сақлаш лозим? Озиқ-овқатни совиткичда сақлаймиз, дорини-чи, уни қаерда сақлаш лозим?](/photos/news/kTK1ekEPAn6NMua.jpeg)
Аҳамият берган бўлсангиз, ҳар бир препарат йўриқномасида уни сақлаш қоидаси кўрсатилган бўлади.
🔸Таблетка ва капсула кўринишидаги препаратлар учун намлик даражаси ғоят муҳим. Уларни салқин ва қуруқ жойга қўйинг.
🔸Аэрозоль ёки спрей шаклидаги дорилар учун ёруғлик нури ва хона ҳарорати юқори бўлмаслигига эътибор қаратинг.
🔸Тиндирма ёки томчи дорилар қўнғир (ҳимояланган) тусли идишларда ишлаб чиқилса-да, улар ҳам қуёшни “хушлашмайди”.
Совиткичга қўямизми?
🔹Агар препарат йўриқномасида “салқин ва ёруғлик нуридан ҳимояланган жойда сақланг” дейилган бўлса, унда совиткичга жойлаш мумкин.
🔹“5° дан ошмаган ҳолда сақлансин” дея кўрсатма берилган бўлса, дориларни совиткичга қўйса бўлади.
🔹Суртма ва мойли дорилар, шамчалар ҳамда суюқ кўринишдаги препаратлар учун совиткич эшигидаги қаватлар муносиб танлов.
©️Муаттар Хўжаева – Фармацевтика фанлари номзоди, доцент