Станислав Черчесовга Қозоғистонда қозоқ тилида савол беришлари ёқмади

Қозоғистон терма жамоасининг янги бош мураббийи Станислав Черчесовга матбуот анжуманида унга қозоқ тилида савол берилгани ёқмади.

Мураббий ва журналист ўртасида қуйидаги мулоқот бўлган, деб ёзади Тенгри Спорт:

Черчесов: Кечирасиз, сиз қаердансиз?

Журналист: Мен Қозоғистонданман.

Черчесов: Нега менга бундай мурожаат қиляпсиз? Сизга осетин тилида жавоб бера оламанми?

Журналист: Давом эт, жавоб бер.

Черчесов: Лекин ҳеч ким тушунмайди.

Черчесов қозоқ тилида берилган навбатдаги саволдан кейин Қозоғистон футбол федерацияси президенти Адилет Барменкуловдан ёрдам сўрашга мажбур бўлди.

Нашрнинг эслашича, 2019 йилда Россия терма жамоаси билан Остонага ташрифи чоғида Станислав Черчесов қозоқчани тушунишини ва таржимонга муҳтож эмаслигини айтган.