Zelenskiy Ukraina ballistik raketasi muvaffaqiyatli sinovdan o‘tganini ma’lum qildi

Ukraina o‘zining ballistik raketasini muvaffaqiyatli sinovdan o‘tkazdi.

Bu haqda Ukraina prezidenti Vladimir Zelenskiy matbuot anjumani chog‘ida ma’lum qildi.

"Ukrainaning birinchi ballistik raketasi sinovi ijobiy bo‘ldi" - dedi u.

Zelenskiy tafsilotlarni oshkor eta olmasligini aytdi: "Men bu haqda gapirishga hali erta deb o‘yladim, ammo men jamiyat mudofaa korxonalarida 24/7 ishlaydigan odamlarni qadrlashini xohlardim".

Zelenskiy, shuningdek, Palyanisa dron raketasini eslab, bular “juda jiddiy narsalar” ekanini ta’kidladi.

"Palyanisa" katta qanotlarga ega, bu esa uzoq masofalarga uchish imkonini beradi. Shu bilan birga, qurol nishonlarga, shu jumladan aerodromlarda ham, samolyotlar havoga ko‘tarilishidan oldin zarba bera oladi.