«Xunuk propaganda»: Eron Rossiyaga qurol yetkazib berilgani haqidagi xabarlarni rad etadi
Eron Tashqi ishlar vazirligi G‘arbning Eron qurollari Rossiyaga yetkazilgani haqidagi xabarlarini G‘arbning Isroilni harbiy qo‘llab-quvvatlashidan e’tiborni chalg‘itishga qaratilgan «xunuk propaganda» sifatida rad etdi.
«Eron qurollarining ayrim davlatlarga berilishi haqidagi yolg‘on va chalg‘ituvchi xabarlarning e’lon qilinishi AQSh va ba’zi G‘arb davlatlarining G‘azodagi genosid uchun yirik noqonuniy qurol-yarog‘ yordamini yashirish uchun shunchaki xunuk propagandadir », dedi TIV matbuot kotibi Nosir Kanani.
«Ba’zi G‘arb davlatlari o‘zlarini inson huquqlari himoyachisi sifatida ko‘rsatib, xalqaro konvensiya va shartnomalar bajarilishini qo‘llab-quvvatlamoqda, lekin sionistik rejimning harbiy jinoyatlarini qo‘llab-quvvatlash uchun barcha turdagi qurollarni jo‘natadi», - deya qo‘shimcha qildi Kanoniy.
Rossiya Ukrainaga havo hujumlarida muntazam ravishda Eronda ishlab chiqarilgan Shahed dronlaridan foydalangan.
