Fransiya prezidentining rafiqasi mashhur serialda suratga tushadi
Fransiya prezidentining rafiqasi Brijit Makron “Emili Parijda” serialining to‘rtinchi mavsumida o‘zini ijro etadi.
Fransiyaning birinchi xonimi B. Makron yangi moda dizaynlarini tasvirlash bilan mashhur bo‘lgan serial yaratuvchilardan “hech qanday aniq ko‘rsatmalarsiz” o‘z kiyimlarini kiyadi.
Dastur yaratuvchisi Darren Star mahalliy OAVga B.Makron "buyuk iste’dod"ga ega ekanligini aytdi.
Bu B.Makron ekranda ikkinchi marta o‘zini o‘ynashi.
2018 yilda u ikki nogiron suzuvchi haqida hikoya qiluvchi "Xabarchilar" nomli fransuz komediyasida rol ijro etgandi. Joriy yilning boshida «Brijit, mustaqil ayol» deb nomlangan olti qismli biografik filmda suratga olinayotgani e’lon qilingan edi.
2020 yilda taqdim etilganidan beri serial katta auditoriyani jalb qildi. To‘rtinchi mavsumning birinchi yarmida 20 millionga yaqin ko‘rishlar yig‘ildi va shou o‘zining bema’ni hikoyalari va Parijning shafqatsiz tasviri uchun sarlavhalarga aylangan bo‘lsa ham, doimiy ravishda Netflixning eng yaxshi 10 ta shousi qatoriga kiradi.
