Rossiya qarshi hujumga o‘tmoqda, Ukraina Qurolli kuchlari esa oldinga siljimoqda

Rossiya Mudofaa vazirligi Ukraina armiyasining Kursk viloyatidagi chegarani buzib o‘tishga uchta urinishi haqida xabar berdi.

Departamentning xulosasiga ko‘ra, so‘nggi 24 soat ichida Rossiya harbiylari ham Ukraina Qurolli kuchlarining qarshi hujumini qaytargan va ikkita hujumga urinishning oldini olgan.

Rossiya Mudofaa vazirligi rossiyalik harbiylarning hujumkor harakatlari davom etayotganini da’vo qilmoqda.

12 sentyabr kuni Rossiya harbiylari Ukraina armiyasini Kursk viloyatidagi o‘nta aholi punktidan ikki kun ichida haydab chiqargani xabar qilingan edi. 12 avgustga qadar 28 ta aholi punkti Ukraina Qurolli kuchlari nazorati ostida bo‘lgan.

Rossiya kuchlari Kursk viloyatidagi Ukrainaning butun hududi bo‘ylab qarshi hujumni davom ettirdi, ammo kichik muvaffaqiyatlarga erishgani aytilmoqda.

Taxminlarga ko‘ra, bunga Ukrainaning hududdagi hujum operasiyalari va mudofaa qarshi hujumlari sabab bo‘lgan. Bu haqda Amerika urushni o‘rganish instituti (ISW) hisobotida ma’lum qilindi.

Rossiya Mudofaa vazirligi avvalroq Rossiya qo‘shinlari 10 sentyabrdan 11 sentyabrga o‘tar kechasi qarshi hujumlar boshlanganidan beri Korenevoning janubi va janubi-g‘arbidagi 10 ta aholi punktini qaytarib olganini ma’lum qilgan edi.

Rossiyalik harbiy blogerlarning ta’kidlashicha, rus qo‘shinlari Korenevo janubi-sharqida va Snagost shimoli-sharqida yurishda davom etmoqda.

Ukraina qo‘shinlari rus qo‘shinlari qarshi hujumga o‘tgan hududlarda qarshi hujumni davom ettirdi.

12 sentyabr kuni e’lon qilingan geolokasiya tasvirlari Ukraina piyoda askarlari chegaradan oshib, Tetkinoning janubi-g‘arbiy qismida oldinga o‘tganini ko‘rsatadi.