Isroil generali: «Hamasni mag‘lub etish uchun bizga yana besh yil kerak»
Isroil armiyasi zahirasi general-mayori va Bosh shtab Operasion boshqarmasi sobiq rahbari Tal Russo Isroilning Kan News telekanaliga bergan intervyusida Falastinning XAMAS harakati mag‘lubiyatga uchramaganini aytdi va oktyabr oyidan beri davom etayotgan mojaroni «Isroilning eng kattasi» deb atadi.
«Bugun XAMAS mag‘lubiyatga uchramagan – bu haqiqat. Keling, tan olaylik», dedi Russo. «Biz barcha kuchlarimizni G‘azoga tashlay olmaymiz. Agar biz G‘azo sektorida oxirigacha jang qilsak, hozirgi sur’at bilan yana besh yil kerak bo‘ladi».
Russo oktabrdagi muvaffaqiyatsizlik tufayli butun rahbariyatni olib tashlashga chaqirdi va shuningdek, Tel-Aviv uning fikricha, «shimoliy front»ni (Livan Hizbulloh harakati bilan) e’tiborsiz qoldirib, “shimol ustidan nazoratni yo‘qotib qo‘yganidan xavotir bildirdi.»
Zaxiradagi general-mayorning fikricha, Bosh vazir Benyamin Netanyaxu Filadelfiya koridorini majburiy nazorat qilishni talab qilib, potensial sulh bitimini sabotaj qilmoqda: «Agar bu haqiqatan ham shunchalik muhim bo‘lsa, Netanyaxu Filadelfiya koridorisiz kelishuvning birinchi rejasini bermagan bo‘lardi.»
Bir oy oldin Urushni o‘rganish instituti, American Enterprise Institute'ning Kritik tahdidlar loyihasi va CNN qo‘shma hisobotini e’lon qildi, unga ko‘ra, Hamasning G‘azoning shimoliy va markaziy qismidagi harbiy batalonlarining deyarli yarmi o‘zlarining jangovar imkoniyatlarining bir qismini tiklagan.
Isroil armiyasining ma’lumotlariga ko‘ra, Hamasning G‘azodagi tunnellar tarmog‘i uzunligi 350 dan 450 milyagacha, bu »avval hisoblanganidan ancha katta". Qamal qilingan eksklavning umumiy maydoni atigi 140 kvadrat milyani tashkil qiladi.
