Asila Mirzayorova: “O‘zim qo‘ygan rekordni o‘zim buzaman”
Prezident Shavkat Mirziyoyev Ko‘ksaroyda Paralimpiya o‘yinlari chempionlari, ularning ota-onalari, trenerlari, sport sohasi rahbarlari, jamoatchilik bilan uchrashuv o‘tkazmoqda.
Ayni vaqtda Prezident sportchilarga davlat mukofotlarini topshira boshladi.
Asila Mirzayorova “O‘zbekiston iftixori” faxriy unvoni bilan taqdirlandi.
“Musobaqa kuni kuchli mas’uliyat bor edi, buni his qilib turdim. Diyora opamdek bo‘lishim kerak edi. Paralimpiya tarixidagi 30 yillik rekordni buzib, O‘zbekistonimga oltin medal olib keldim. Telefonda gaplashganimizda hamma gapni aytolmadim.
Hozirgi uchrashuvimizda sizga shuni aytishim kerakki, 2028 yilda Los Anjelesda bo‘lib o‘tadigan Paralimpiya o‘yinlarida o‘zim qo‘ygan rekordni o‘zim buzib, ikki karra chempion bo‘laman!”, dedi Asila Mirzayorova.
