Yo‘l talashgan haydovchilarga chora ko‘rildi

Sardoba tumanidagi "Navro‘z" MFY ma’muriy binosida bo‘lib o‘tgan sayyor sud majlisida mast holatda avtomashina boshqargan, gaz va elektr energiyasidan noqonuniy foydalangan, mayda bezorilik qilgan shaxslarga oid ma’muriy huquqbuzarlik to‘g‘risidagi ishlar ko‘rildi.

Onasi betobligini aytgani uchun yengillik berilganidan o‘ziga xulosa chiqarmasdan bir oy ichida takroran mayda bezorilik qilgan D.K. ga hamda nafaqa yoshida bo‘lsa-da, yoshlarga pand-nasihat qilish o‘rniga yo‘l talashib mayda bezorilik qilgan E.J va S.A ga jazolar tayinlandi.

Sayyor sud majlisi yakunida Jinoyat ishlari bo‘yicha tuman sudining raisi qabul qilingan sud qarorlarining mazmun- mohiyatini, tuman IIB xodimi esa ish sudga yuborilgunga qadar huquqbuzarlikning oldini olish uchun ko‘rilgan chora-tadbirlar haqida tushuntirishlar berib o‘tdi.